JAWA

Nuef cudejel JAWA
Formuler d' iscrizion

JAWA - JUNGE AKTIVE WOLLEN ANPACKEN! JËUNI ATIVES UEL JUDÈ PEA!

Per chi ie pa pensà l proiet?
Cun chësc proiet ulessan arjonjer jëuni y jëunes danter 13 y 19 ani.
 
Traviert: cie fajons'a y cie ulons'a arjonjer?
L vën dat la puscibltà de judé vel' ëura te desferënta istituzions, fajan nscì nueva esperienzes che juda a se deriejer tla vita. N mpera a cunëscer desferënta istituzions, l mond dl lëur y n possa purté ite vivanda y nueva idees tla strutures. Tres l judé pea giata i jëuni ponc che n possa pona giamië ite tl ufize dla Nëus Jëuni Gherdëina te uni sort de bons.
 
Percie pa chësc proiet?
I jëuni y la jëunes dëssa avëi la puscibltà de passé si tëmp, fajan zeche de nuef y de valor fajan nueva esperiënzes de lëur te ngrum de ciampes.
 
Ulà possen pa judé pea?
L'istituzions che tol pert a chësc proiet ie da abiné te duc i luesc de Gherdëina. Tl cudejel vëijes ulache te posses jì a judé pea.
 
Can pa?
L proiet va dut l ann.
 
Cie ie pa debujën de fé per to pert al proiet?
L lauré adum cun la chemuns de Gherdëina y Servisc Soziel de Gherdëina ie de gran valor y samben ënghe l lauré adum cun l'istituzions publiches vën aprijà. Chësc liam fej garantì n sustëni fundamentel ai jëuni. I jëuni y la jëunes che cumplësc ntan l ann i 13 ani possa dal scumenciamënt dl ann se scrì ite al proiet. Cun l formuler sotscrì da n genitor, possen passé te ufize a se lascé fé la cherta cumëmber che vela dut l ann, tres chësta iesen assegurei. Da paië ite iel 5,00 €.
 
Chi mët pa a jì chësc proiet?
Respunsabl per l proiet ie la Nëus Jëuni Gherdëina. Pra la grupa de urganisazion ie ënghe i assessëures ai jëuni dla chemuns de Gherdëina, rapresentanc dl Servisc Soziel y dl VKE, y la persones de cuntat de uni istituzion che tol pert al proiet.
 
 
 

 







 
Dear visitor, our site uses technical cookies and first and third party analytical cookies.
By continuing to browse, you accept the cookie settings set by our site. You can read the extended privacy policy and following the instructions you can also change the choices made later by clicking here.