Nueva vijions per la Nëus Jëuni Gherdëina

Nueva vijions per la Nëus Jëuni Gherdëina
Per l ann 2020 slergia la Nëus Jëuni Gherdëina ora si lëur per la junëza nvian via n proiet nuef che juda a curì i bujëns tl lëur per y cun i jëuni de duta la valeda. Per chësta ucajion vën tëut su n nuef laurant a mez tëmp, Julian Santifaller che à bele laurà pea ti ultimi doi ani sciche acumpaniadëur ntan l proiet da instà SAKL y mëina sëuraprò na grupa dla Jungschar de Urtijëi.
Ël sustenirà  Verena, culaburadëura nueva da setëmber inant che ie responsabla per l lëur daviert tla valeda.
La ncëria de Julian reverda dantaldut l sustëni  tl lëur cun i jëuni ti locai dla valeda, lauran adum cun la lies di jëuni de uni luech, metan a jì manifestazions, cun na uredla davierta per i bujëns di jëuni. Gran nuvità ie ënghe la giaurida dl local di jëuni „L Puliné“ te S. Cristina, uni mierculdi dala 14:00 ala 18:30, local che ie stat fat ora da nuef dala chemun de S. Cristina.
Ënghe te Sëlva jirons inant cun la giaurida dl local „fun&more“ uni vënderdi domesdi dala 14:00 ala 18:30. Fin primer ie ënghe tlo, de vester daujin ai jëuni, jan ite te si bujëns.
Tl local di jëuni SAUT dal ënghe vel nuvità: de mierculdi sëira resta l local daviert fin mesa la 10 da sëira. Chësc ie pensà per i majeri che i ebe n post via per l’ena ulache i possa se ancunté cun si cumpanies. Oradechël pitons uni terza sada dl mëns l proiet ntitulà  „jëuni in action“,  cun ativiteies che referda ciampes desferënc che va dala furmazion y prevenzion,  al devertimënt. Pion via cun l „Aperitif Lonch“ n sada ai 25 de jené dala 18:00 inant tl SAUT cun la nueva grupa Spandi.
 
Dear visitor, our site uses technical cookies and first and third party analytical cookies.
By continuing to browse, you accept the cookie settings set by our site. You can read the extended privacy policy and following the instructions you can also change the choices made later by clicking here.