Sorvisc de consul├źnza

Sön proposta dl Comun de Badia á le Sorvisc ai Jogn metü en pe n proiet nü. Ara se trata dl "Sorvisc de pröma consulënza y orientamënt", davert a jogn, jones y geniturs de döta la valada. Le conzet de chësc proiet prevëiga na forma de aiüt informal te situaziuns de debojëgn.
 
Temesc
Al vëgn aconsié sön temesc che reverda la jonëza y l’educaziun. Danter l’ater pó chisc ester: surité, conflic te familia o cun compagns, surapretenjiun di geniturs, malcontentëza cun se instësc, consum de sostanzes, situaziuns de stres, plüra, violënza, desturbs alimentars, malsegurté y i.i.

Por ejëmpl:
 
  • Osc möt stá de por de y ores alalungia pro le fonin o le computer?
  • Se dal imënt che al se stlüjes fora dai grups de compagns?
  • É Osc möt agressif y ne se lascia plü di nia? Ne savëise nia co le gorné?
  • Á val situaziun particolara porté pro a en cambiamënt negatif tl comportamënt de Osc möt?
  • Ëise tëma che Osc möt frecuentëies compagns cun influs negatif?
  • O é le consum de alcol o droga tema te familia?
  • O ne te sënteste tö, jonn nia capí?
  • Aste preocupaziuns, tëmes o malsegurëzes sura chëres che ne te infides da baié cun degügn?
  • Adoreste en consëi o aiüt por rové a na soluziun?
 
Fin dl Sorvisc
Le fin de chësc sorvisc é chël de ti pité ai jogn y ales jones, mo ince a chi che ti stá dlungia, n punt de referimënt y orientamënt tl caje de debojëgn. Al vëgn dé consëis y informé dles poscibilités y di sorvisc spezialisá. La porsona che chir aiüt pó porté dant süa tematica personala o familiara, a na moda da fá capí de ci che ara á avisa debojëgn te chël momënt y de ci vers che le vare adincuntra ala soluziun podess jí. Adöm cun l’aconsiadëssa vëgnel spo ciaré ci Sorvisc tl raiun che pita le dër sostëgn por le debojëgn porté dant. Sce la chestiun o la porsona ne se ghira degun sorvisc spezifich, bastará i consëis che l’aconsiadëssa pó dé.
 
Colaboraziuns
L’aconsiadëssa dl Sorvisc ai Jogn é en contat cun la rëi y colaborëia cun deplü istituziuns tl raiun, por pité n aiüt plü spezifich y de cualité.

Post y orar
Le Sorvisc de consulënza y orientamënt vëgn pité sides a Picolin co ince a La Ila.

Picolin - Z├źnter Pedagogich

La Ila - SaJ.un

Aconsiadëssa

Barbara Tolpeit

Tel: 0474 52 30 70
Fonin: 342 84 10 721
Dear visitor, our site uses technical cookies and first and third party analytical cookies.
By continuing to browse, you accept the cookie settings set by our site. You can read the extended privacy policy and following the instructions you can also change the choices made later by clicking here.