14.11.19 dales 19.30 a San Martin de Tor

Referat: RAISC Y ARES; por ciafé nosc tru deboriada - geniturs y mituns

Mësa torona cun espërc sura le lian emozional danter geniturs y mituns ai 14 de novëmber 2019 a San Martin de Tor

Le lian emozional danter geniturs y mituns é da scomenciamënt insö dër sterch. Te so svilup emozional é i mituns fina a na certa eté dl döt dependënc da nos geniturs. Por impó mëssi ëi se destaché por ester bogn da arjunje la propria independënza y autonomia. Chësc prozes plü o manco lunch raprejënta na fasa dër zitia, olache i prighi sciöche dependënza, valurs falc, ries compagnies y.y.i. é presënc y mëss gní tuc en consideraziun.

Ci podunse pa nosc sciöche geniturs fá por acompagné nüsc mituns, renforzan les raisc y ti dón tl medemo tëmp les ares por che ëi ciafes so tru? Co podunse pa i daidé por che ai röies a avëi na dërta autostima, na sozialisaziun sana, le dër respet por se instësc y i atri?

Respostes o almanco reflesciuns sura chësta tematica dess gní fora en chësta sëra, ai 14 de novëmber 2019 dales 19.30 te Istitut Ladin a San Martin de Tor adöm a Sara Tauber, psicologa dl Forum Prevenziun, cun Veronica Clara, assistënta soziala tl Raiun Sozial Val Badia, cun Edmund Senoner, psicologh a Bad Bachgart, cun Walter Frontull, pedagogh sozial y cun la moderaziun de Diego Clara.

L‘organisaziun é dl Grup Ecuiliber, le lingaz dla serada é todësch y ai insegnanc ti vëgnel reconesciú sciöche formaziun.

Düc é dër bel inviá a tó pert.

Flyer Raisc y ares; por ciafé nosc trú deboriada
Dear visitor, our site uses technical cookies and first and third party analytical cookies.
By continuing to browse, you accept the cookie settings set by our site. You can read the extended privacy policy and following the instructions you can also change the choices made later by clicking here.